Moenie huil nie, ek is ñ siel wat wag om weer gebore te word!

Sy kyk hom, aan. Sy bly ñ hele ruk stil, en komende van Angela, is stilbly ñ geweldige prestasie.
David sê vir haar “jy reis buite jou liggaam, soms in jou drome, soms terwyl jy dagdroom”
“Wanneer jy buite jou liggaam reis voel dit vir jou asof jy vlieg en net voordat jy wakker word droom jy van ñ diep put en word wakker met ñ harde slag voordat jy die bodem daarvan tref, dit gebeur wanneer jou astrale liggaam terugkeer in jou werklike liggaam in!”
Angela se oë rek en sy sê vir hom “gaan asseblief dadelik uit my kantoor uit ek het werk om te doen!” David sien dat Angela haar alie teen die maan vaswip het omdat hy haar in ñ hoek dryf.
Hy staan op vat sy hoed en storm by die deur uit, sonder dat hy terug kyk, of groet, want hy is bang sy gooi hom dalk met iets.
Angela het al heelwat in die verlede by plekke aangekom, en dan het dit vir haar bekend gelyk.
David is korrek, sy droom gewoonlik hoedat sy rondtol en dan skielik afgesuig word in ñ diep, donker put en skrik dan met ñ skok wakker voordat sy die bodem daarvan tref.
In die meeste van haar drome vlieg sy asof sy onsigbare vlerke het.
Dinge begin nou vir haar sin te maak, en pleks daarvan dat sy David eerder bedank het omdat hy haar op die regte spoor gebring het, het sy haar, soos gewoonlik, weer vir hom gewip.
Nadat Angela klaar gewerk het gaan sy huistoe, spring onder die stort in en daarna gaan maak sy vir haar gesin aandete en die hele tyd knaag die geprek met David aan haar onderbewussyn.
Angela is rusteloos en rol rond in haar bed, uiteindelik raak sy aan die slaap.
Sy droom sy vlieg na David se woning, glip deur sy slaapkamer se venster en sien hoedat hy lê en snork dat die dakbalke kreun. Sy giggel en sê binnensmonds “jinne ek is seker hy registreer 8 op die richterskaal.”
Angela gryp hom aan die skouers, ruk en pluk aan hom en hy word wakker, kyk haar geskok aan, vra haar in ñ diep bromstem wat sy daar by hom kom soek.
Angela sê “jou nare lummel ek was lus en skop jou dat jy gesig eerste handeviervoet in Egipte gaan land omdat jy my so uitgevang het!”
Sy bloos bloedrooi, en vra hom omverkoning vir haar optrede, in die kantoor, en of hy haar asseblief daarvoor sou vergewe.
Sy sien dat hy haar só snaaks aankyk asof hy nie die taal wat sy praat, verstaan nie. Hy gryp ñ pen en ñ stuk papier wat op die tafeltjie langs sy bed lê en skryf neer wat sy aan hom gesê het.
Angela wip haar vir die mansmens wat so ñ onnosel uitdrukking op sy gesig het, draai om, glip weer deur die venster en vlieg huis toe.
Die volgende oggend daag David by haar werk op en sonder om te groet, sê hy vir haar dat hy haar die vorige aand in sy slaapkamer gesien het en dat hy dit wat sy aan hom gesê het, neergeskryf het.
Angela sê “ag twak, dit kan nie wees nie, dit was ñ droom wat ek gehad het!”
David lag sy kenmerkende bulderende lag, diep uit sy maag uit, gee haar die papiertjie met die woorde wat sy aan hom gesê het en vra haar of sy weet in watter taal die geskrewe woorde was.
Angela kyk na die papiertjie en sê “nee jinne, dit lyk snaaks.”
David vra of hy haar telefoon kon gebruik, en sy knik haar kop. David skakel ñ nommer en sy hoor hom sê “goeiemore professor dit is David hier.”
Die professor moes seker dadelik geweet het watter David dit was wat praat want sy hoor hoe David sê dat dit goed gaan met hom en sy hoor hom vra of dit goed gaan met prof en vroulief, en daarna hoor sy David aan hom vra of hy hom kon help om iets te vertaal.
David vra of hy die woorde aan die professor kon faks want hy kry nie die snaakse woorde uitgespreek nie. Die professor gee sy faksnommer en David faks dit aan die professor.
Daarna sê die professor aan hom dat hy die faks gekry het en dat David hom so ñ paar minute tyd moes gee, dan sou hy David terugskakel om aan hom te sê presies wat daardie woorde beteken. David groet hom en sit die telefoon neer.
Ná 10 minute skakel die professor, David terug en Angela sien hoedat David se oë in ongeloof rek en hoor hom vra “is u seker professor?”
David kry so ñ snaakse uitdrukking op sy gesig, kyk na Angela, frons en luister wat die professor te sê het.
Skielik bars hy uit van die lag en sê “dankie vir u tyd prof, geniet die dag verder’ en hy sit die foon neer. Angela is nou byna dood van nuuskierigheid en vra aan David wat so snaaks was.
Hy kyk na haar en begin weer lag “die taal wat jy gepraat het, Vlam, was ñ ou Egiptiese dialek”.
“ Jy het gesê jy wens jy kon my skop dat ek in Egipte land en dat ek ñ nare lummel is en jy het erken dat jy gister hardekwas met my in jou kantoor was en wil jy nou meer, jy het sowaar daarvoor omverskoning gevra. Vanaand bars hier ñ haelstorm los!”
Angela giggel “genade, al die moeite net om te hoor wat ek aan jou gesê het, jy kon my self mos gevra het wat ek in my droom aan jou gesê het!”
“Jy het dit in ñ taal gesê wat vir jare nie meer gebruik word nie en ek moes uitvind watter taal dit was.”
David vra vir Angela of sy weet wat die betekenis daarvan was dat sy geteleporteer het en ñ vreemde taal gepraat het.
Sy kyk hom aan ”ja nou gaan jy seker vir my sê ek het alreeds voorheen geleef, en ek is gereïnkarneer”. “Slim kind!” Antwoord hy, haar. David vra vir Angela, of sy aan reïnkarnasie glo.
Angela sê aan hom dat daar ñ insident was wat haar mening oor reïnkarnasie heeltemal laat verander het.
Hy dring daarop aan, dat sy hom van hierdie insident, moet vertel.
Sy sê dat toe haar tweeling ongeveer ñ jaar oud was het sy hulle in hulle bed hoor lag. Sy was op daardie stadium in die kombuis besig om vir hulle melk warm te maak.
Sy het na hulle kamer gegaan en langs hulle op die bed het daar ñ swartkop dogtertjie met buitengewone blou oë gesit en sy was besig om die tweeling te kielie dat hulle dit uitkraai van die lag.
Sy was ongeveer 4 jaar oud.
Angela het dadelik gesien dat dit ñ gees en nie ñ lewendige dogtertjie was nie.
Angela het haar gevra waar sy vandaan kom en of die sy aan haar sal vertel wat met haar gebeur het en waarom sy nog nie oorgegaan het na die anderkant nie en nog hier op aarde rondswerf.
Die dogtertjie het toe aan haar gesê dat sy 4 jaar oud was en dat sy die vorige week verdrink het, en dat haar ouers ñ paar blokke van Angela se huis af gewoon het.
Angela hulle was toe nog nuwe intrekkers in hierdie dorpie en het nog nie al die mense geken nie.
Angela het ñ knop in haar keel gekry en ñ traan het langs haar wang afgeloop terwyl sy die afbuk en die dogtertjie omhels.
Die dogtertjie het haar handjie uitgestrek en die traan van Angela se wang afgevee.
Daarna het die dogtertjie die volgende woorde, wat Angela vir jare daarna nog sou onthou, gesê, “Tannie moenie huil nie, ek is ñ siel wat wag om weer gebore te word!” En toe het die dogtertjie verdwyn!

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s