Humoristiese Oomblik in ñ Aanlyn Gesels Kamer.

©Flamingcrystal

Sonja het uit nuuskierigheid by een van die gesels kamers van ‘Fatal Fantasy’ gaan inloer.

Tot haar verbasing het almal daar haar gegroet asof sy ñ ou vriendin was, en haar daar laat welkom voel.

Die heel eerste keer toe iemand haar ‘asrl’ vra, het Sonja haar byna asvaal geskrik en gedink daardie afkorting beteken ‘alle seks regtig lekker’ of so iets. Sy het vir daardie persoon gesê “Sies julle is vieslik, ek gaan waai!”

Net voordat sy wou ‘exit’ sien sy dat iemand haar vra waarom sy gesê het dat hulle vieslik was, en sy antwoord “dit is omdat julle ‘asrl’ gevra het.”

Een van die ander dames, ñ gereelde kletskamer gebruiker vra vir Sonja wat sy gedink het ‘asrl’ beteken en Sonja vertel hulle.

Hulle het byna dubbeld gevou van die lag. “Nee jislaaik! Dit beteken jou ‘age, sex, race & location” het almal byna gelyktydig geteks.

Sonja het soos ñ aap gevoel, sy was mos nog nuut in die aanlyn gesels gedoente en het nie die betekenisse van hulle afkortings geken nie.

Een oggend vroeg wals Marius onder die skuilnaam Hunter die kletskamer waar Sonja nou gereeld onder die skuilnaam van Destiny gesels het, binne.

Hunter het dadelik aan Destiny gevra wat haar asrl was, en Sonja het ewe windgat terug geantwoord dat sy van Neverland was, en as hy nie weet waar dit was nie…dit is north of naughty, south of sexy, east of exotic and west of wicked!”

Hunter het dadelik afgehaak en gesê dat hy sou moes kophou met daardie 4 windrigtings of HY sou dalk glad nie SY Destiny bereik nie.

Marius was nuuskierig om te weet hoe hierdie windgat Destiny lyk en het gevra dat sy haarself aan hom moes beskryf.

‘Hmmm laat ek bietjie dink wat ek vir hierdie vent gaan sê sodat hy so vinnig op die vlug sal slaan, dat dit lyk asof hy homself van agter af gaan inhardloop’ het Sonja gedink en gegrinnik.

Tong in die kies antwoord Destiny vir Hunter en sê “ek is ñ lelike heks met yl dun pers haartjies soos ñ plaaslyn se telefoon gelui…twee kort en twee lank en die res sukkel om deur te kom. Ek het ñ lang dun neus soos ñ verdroogde geelwortel en dit hang op my ken. My ken hang tot op my ‘boobs’ en my ‘boobs’ tot op my maag. My maag hang oor my knieë en my knieë hang tot oor my tone. My toon naels is soos skopgrawe, die boer gebruik my om sy lande daarmee om te ploeg.”

Die mense wat in die kletskamer was het geskree van die lag.

Marius het in sy geestesoog die prentjie van daardie heks gesien. Hy het dadelik besef dat Destiny hom aspris die verkeerde idee wil gee oor hoe sy in werklikheid lyk.

Marius het daarop geantwoord “daardie heks lyk net soos my droomvrou!”

‘Shame die arme man moet desperaat wees dat tot ñ lelike heks vir hom na sy droomvrou lyk’ het Sonja gedink en hardop gelag.

“Watter size skoene dra jy met daardie vreeslike toon naels?” Wou Hunter weet.

Destiny antwoord hom “ñ size 8 maar as my pienk geverfde toon naels geknip is, dan dra ek ñ size 3.”

Geeste Portaal by Flamingcrystal #FREE download http://www.smashwords.com/books/view/589469

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s